പന്മന : ഒരു സീറ്റ് പോലും ഉറപ്പില്ലാത്തവർ പെൻഷൻ പ്രഖ്യാപിച്ചത് 3500 രൂപയാണെന്ന് സിപിഐ നേതാവ് മുല്ലക്കര രത്നാകരൻ.ചവറയിൽ എൽഡിഎഫ് സ്ഥാനാർഥി ഡോ.സുജിത് വിജയൻ പിള്ളയുടെ പ്രചരണ സമ്മേളനത്തിൽ പ്രസംഗിക്കുകയായിരുന്നു അദ്ദേഹം.
കോർപ്പറേറ്റ് മുതലാളിത്വത്തിന്‍റെ പ്രസ്ഥാനങ്ങളായി യുഡിഎഫും എൻഡിഎയും മാറി . കോവിഡ്, പ്രളയകാലത്ത് ജനങ്ങളെ സർക്കാർ കൈവിട്ടില്ല. സർക്കാരിനൊപ്പം ജനം നിന്നതുകൊണ്ടാണ് ക്ലേശങ്ങൾ ലഘൂകരിക്കാൻ കഴിഞ്ഞത്.
ജനങ്ങളുടെ സഹകരണത്തോടെ സർക്കാർ കോവിഡ് കാലത്തും പരിരക്ഷ നൽകി. ബിരിയാണി ചലഞ്ചിലൂടെ ഒരു വിഭാഗം യുവാക്കൾ സർക്കാരിനെ സഹായിച്ചു.
പിണറായി സർക്കാർ ജനഹിതം മനസിലാക്കി പ്രവർത്തനങ്ങൾ കാഴ്ച്ചവെച്ചു. എന്നാൽ യുഡിഎഫും അവരുടെ പ്രവർത്തനങ്ങൾ കാഴ്ച്ചവെച്ചു.
അത് സമരവും പ്രതിഷേധ യാത്രകളും മുഖ്യമന്ത്രിയെക്കാൾ കൂടുതൽ പത്ര സമ്മേളനങ്ങൾ നടത്തിയുമാണെന്നു മാത്രമെന്ന് മുല്ലക്കര രത്നാക്കരൻ പറഞ്ഞു.
